Қостанайда сауда саласына серпін беретін хаб салынады

Бір дүкеннен бір ғана зат қажет болып тұр ма? Ол үшін дүкенге арнайы барып, уақыт жоғалтудың қажеті жоқ. Енді қажетті тауарды үйден шықпай-ақ онлайн тапсырыс беруге жол ашылады. 

Қостанайда онлайн-сауданың жаңа форматы іске қосылмақ. Яғни, қалада тағы бір индустириялық-логистикалық хаб бой көтереді. 7 700 шаршы метр аумақта жалпы құны 5 млрд теңгелік ғимарат салынады. Сауда желісінде сатылатын 10 мыңнан астам тауар түрінің жартысы отандық өнім болмақ. Жоба іске қосылғанда 300-ден астам адам жұмыспен қамтылады. Ал хаб тәулігіне 6 мыңға дейін тапсырыс өңдей алады. Тек мегаполистерде ғана емес, күн санап көркейіп келе жатқан Қостанайда да үлкен сауда желісі іске қосылса, өңір экономикасының серпін алары сөзсіз.