Ашық қалқан, жалаңаш сым

Қала тұрғындарының «Айкөмек» қызметіне жолдап жатқан өтініштері назардан тыс қалмайды. Қостанайлықтар күнделікті өмірге кедергі келтіріп, шұғыл шара қабылдауды қажет ететін мәселелерді көтеруде.

Мәселен, соңғы аптада қала тұрғындарынан электр желілеріне қатысты бірқатар шағым түскен. Атап айтқанда, кей жерлерде электр қалқандарының қақпағы ашық, ал кей аумақтарда электр сымдары қорғаныш қабатынсыз қалып отыр. Қауіпті жағдайлар шаһардың бірнеше бөлігінен тіркелген.