Кран құлап, бір адам қаза тапты

Қостанайда құрылыс басындағы кран құлап, 49 жастары краншы алған жарақаттарынан қайтыс болды.
Оқиға орнында қазір тергеу жұмысы жүріп жатыр. Апаттың нақты себебі жан-жақты тексеруден соң анықталады. Полиция қылмыстық кодекстің 277-бабы бойынша іс қозғады. Бұл бапқа сәйкес «еңбек қауіпсіздігін сақтамаудың кісі өліміне соқтыруы» тергеледі. Тергеу құпиялығын сақтау мақсатында полиция әзір өзге мәліметтерді жарияламай отыр.