Q-Gate: шекаралық бақылаудың жаңа мүмкіндігі
Қостанай әуежайында паспорттық бақылаудың жаңа жүйесі енгізілді. Енді халықаралық рейстердің жолаушылары паспорттық бақылаудан шекара қызметкерінің тікелей қатысуынсыз өте алады. Ол үшін мұнда Q-Gate автоматтандырылған құрылғысы орнатылды.
Әуежайдағы ұзын-сонар кезек пен құжат тексеруге кететін уақыт енді қысқаруы мүмкін. Қостанай әуежайында енгізілген Q-Gate жүйесі жолаушыларға паспорттық бақылаудан өз бетінше өтуге мүмкіндік береді. Арнайы құрылғы паспорттағы мәліметтерді оқып, жолаушының жеке басын сәйкестендіреді. Осылайша, бұрын қызметкер атқаратын тексерудің бір бөлігін енді автоматтандырылған жүйе орындайды.