Мүлік салығы: 263 миллион теңге бюджетке түсті

2025 жылға есептелген мүлік салығын төлеу науқаны аяқталуға жақын. Тұрғындардың басым бөлігі салық міндеттемесін орындаған. Дегенмен, әлі де төлем жасамаған азаматтар бар. Салықты қашан және қалай төлеу керек? 

Мемлекеттік кірістер органдары тұрғындарға 2025 жыл үшін есептелген мүлік салығын 2026 жылдың 1- қазанына дейін төлеу қажет екенін ескертеді. Осы ретте облыста 15- қыркүйектегі жағдай бойынша 235 мың азамат мүлік салығын өтеген. Бюджетке 263 миллион теңге түсті. Бұл есептелген жалпы соманың шамамен 85 пайызына шақ келеді.

Мүлікке қатысты деректердің өзектілігі салық сомасының дұрыс есептелуі үшін аса маңызды. Сондықтан үйін немесе басқа да нысанын сатқан азаматтар меншік құқығы туралы ақпараттың мемлекеттік жүйеде өзгертілгенін тексергені жөн.

Осылайша, тұрғындардың салық міндеттемесін белгіленген мерзімде орындауы өте маңызды. Мүлік салығын төлеуге санаулы күндер ғана қалды. Азаматтар есептелген соманы тексеріп, төлемді қазан айының біріне дейін жүргізуі қажет.