Орақ науқаны мен құрылыс қарқыны қызу

Қостанай облысында егін орағы қызу жүріп жатыр. Диқандар ауа райының қолайлы күндерін тиімді пайдаланып, алқаптағы астықты ысырапсыз жинауға күш салып жатыр. Облыс әкімі Алтынсарин ауданына жұмыс сапарымен барып, егін жинау науқанының барысымен танысты.

Аймақ басшысы ауданның бірнеше шаруашылығында болып, егіс алқаптарын аралады. Диқандармен кездесіп, биылғы жиын-терім жұмыстарының барысын пысықтады. Негізгі міндет – егінді қысқа мерзімде әрі ысырапсыз жинап алу.