Тілге құрмет – ортақ міндет
5 қыркүйек – Қазақстан халқы тілдері күні. Бұл – еліміздегі барша этнос өкілдерінің тілін құрметтеп, мемлекеттік тілдің мәртебесін арттыруға үндейтін мереке. Айтулы күн қарсаңында әріптесіміз Анель Пимичева Әулиекөл ауданына барып, мемлекеттік тілдің қолданыс аясын кеңейту бағытында қандай жұмыстар атқарылып жатқанын біліп қайтты.
Бұл залда отырған әр адам тілдің жаңа мүмкіндіктерге жол ашатынын жақсы түсінеді. Тілдер мерекесі қарсаңында мұнда тіл саясатын дамытуға жылдар бойы үлес қосып келе жатқан азаматтар, сондай-ақ мемлекеттік және ағылшын тілдерін меңгеруде нәтижелі қадам жасап жүргендер марапатталды.