Жангелдин ауданы Көлқамыс ауылында тасқыннан зардап шеккен отбасыларға жаңадан үй салып беру жұмысы қарқынды жүріп жатыр. Арнайы жұмыс сапарымен барған Вице-Премьер мен өңір әкімі осыған анық көз жеткізді. Құрылыс жұмыстарымен танысып, ауыл тұрғындарымен тілдескен соң, үкімет басшысының орынбасары болашақта бұл ауылға мектеп салынатыны туралы да айтты.