Жаңа оқу жылына дайындық қызу
Жаңа оқу жылының басталуына санаулы күндер қалды. Қазір облыстағы білім беру ұйымдарында соңғы дайындық жұмыстары пысықталып, мектептер балаларды қарсы алуға әзірленіп жатыр. Биыл өңірдегі білім беру жүйесінде 150 мыңға жуық бала қамтылады. Ал бірінші сыныпқа 10 мыңнан астам бүлдіршін алғаш рет мектеп табалдырығын аттамақ.
Жаңа оқу жылына дайындық жұмыстары облыста жоспарға сай жалғасып жатыр. Білім беру ұйымдарында оқу процесіне қажетті жағдай жасалып, нысандардың дайындығы пысықталуда. Жауапты мамандар атқарылған жұмыстар жайлы есеп беріп, қалған міндеттерді белгіленген мерзімде аяқтауды көздеп отыр.