1 маусым - Халықаралық балаларды қорғау күніне орай Қостанайдағы ерекше білім беру қажеттілігі бар балаларға арналған мекемеде мерекелік кеш өтті. Ұйымдастырушылар балаларға көтеріңкі көңіл-күй сыйлап, олардың шығармашылық қабілеттерін қолдауға негізделген.
Ерекше балаларға арналған мерекелік іс-шарада қонақтар тәрбиеленушілермен жүздесіп, олардың өнері мен шығармашылығына куә болды. Кездесуді ұйымдастыруға кәсіподақ ұйымдары мен облыстық мәслихат депутаттары мұрындық болған. Қонақтар балаларға сый-сияпат табыстап, олардың бойындағы талантты дамытуға әрдайым қолдау көрсету маңызды екенін атап өтті.
Іс-шара барысында балалар ән айтып, би билеп, өз өнерлерін паш етті. Мерекелік бағдарлама көтеріңкі көңіл-күй сыйлап, тәрбиеленушілердің белсенділігі мен шығармашылық қабілеттерін дамытуға бағытталды.
Мерекелік кездесу балаларға шаттық сыйлап қана қоймай, олардың армандары мен таланттарына қоғамның бейжай қарамайтынын көрсетті. Ұйымдастырушылар мұндай қайырымдылық шаралары алдағы уақытта да жалғасатынын атап өтті.