Қостанайда кітап жәрмеңкесі өтті

Облыс орталығында «Kostanay Book Fair» кітап жәрмеңкесі басталды. Қала күнін мерекелеуге орайластырылған ауқымды іс-шара екі күн бойы жалғасады. Жәрмеңкеде балалар әдебиетімен қатар, қазақ және шетел әдебиетінің таңдаулы туындылары кең көлемде ұсынылған. 

Kostanay Book Fair-2026 кітап жәрмеңкесі кең көлемде өткізіліп отыр. Қала күніне орайластырылып, екі күнге созылатын іс-шараға арнайы киіз үй құрылған. Мұнда өңірдің ақын-жазушыларымен кездесу өтіп, оқырмандармен ашық диалог орнатылды. Жазушылар өздерінің таңдаулы туындылары жайлы сөз сөйлеп, ақындар жыр оқыды.