Қостанайда жас қозғалыс инспекторлары бас қосады
Қостанай қаласында ТМД елдерінің жас қозғалыс инспекторлары бас қосатын халықаралық слет өтеді. Шараға Қазақстанның әр өңірінен және бауырлас мемлекеттерден келген командалар қатысып, жол қауіпсіздігі бағытында өзара бақ сынайды. Қатысушылар үшін жарыстармен қатар, мәдени-танымдық бағдарлама, экскурсиялар мен тәжірибе алмасу кездесулері ұйымдастырылады. Слет балалардың жолдағы қауіпсіздігін қамтамасыз ету, жауапкершілік пен қауіпсіз жүріс-тұрыс мәдениетін қалыптастыруға бағытталған. Бұл – достықты нығайтып, халықаралық ынтымақтастықты дамытуға мүмкіндік беретін маңызды басқосу.