Шағын шаһардың шуақты мерекесі

Жітіқара қаласы 87 жылдығын кең көлемде атап өтті. Туған өлкенің төл мерекесіне орай қалада өнер байқаулары ұйымдастырылып, шығармашылық ұжымдар өнер көрсетті. Жас әншілер мен бишілер өз шеберлігін ортаға салып, тұрғындар үшін түрлі мәдени шаралар өтті. Ал «Ашық аспан астындағы музей» көрмесінде шаһардың тарихы таныстырылды. Мерекелік кеш эстрада жұлдыздарының концертімен жалғасып, отшашумен қорытындыланды.