Уақытпен санаспай елдің тыныштығын күзететін сарбаздар өнерден кенде емес. Қостанайдағы 6697 әскери бөлімі құрылған сәттен бері шығармашыл жандардан құралған оркестр 52 жылдан бері барлық әскери концерттерді сүйемелдеп жүр.
Оркестр мүшелері барабан, саксофон, кларнет, тромбон секілді түрлі үрмелі аспаптар мен гитарада ойнайды. Құрамына арнайы музыкалық білім бар азаматтар кіретін бұл топта облыстық филармония қызметкерлері өнер көрсетеді. 6697 әскери бөлімі жұмысын бастағалы бері құрылған оркестр сонда өтетін барлық концерттік бағдарламаларға белсене атсалысып жүр.