Ахмет Байтұрсынұлы атындағы Қостанай өңірлік университетінің Торғай археологиялық экспедициясы биыл Әулиекөл ауданындағы Шилі, Сұлукөл және Бұрықтал ескерткіштерінде зерттеу жүргізіп жатыр. Археолог Ирина Шевнинаның айтуынша, қазба жұмыстары кезінде ғалымдар ерекше олжаға тап болған. Дәстүрлі олжалар – тас және сүйек құралдар, керамика мен әшекейлерден бөлек, үш жерлеу орны анықталған. Олар – бір бала мен екі ересек адамның қабірі.