Мектепке дайындық қанша тұрады?
Жаздың соңғы айы – ата-аналар үшін қарбалас кезең. Жаңа оқу жылына санаулы күндер қалды. Ал мектепке баратын баланың киімі, аяқ киімі, сөмкесі мен оқу құралдарын түгендеу – отбасы бюджетіне айтарлықтай салмақ түсіреді. Биыл мектеп базарындағы баға қандай? Бір оқушыны жаңа оқу жылына дайындау үшін қанша қаражат қажет?
Мектеп базарында адам біршама. Ата-аналар балаларына киім таңдап, сөмке мен кеңсе тауарларын алып жатыр. Бірі сапасына мән берсе, енді бірі бағаны салыстырып жүр. Әсіресе бірнеше баласы мектепке баратын отбасылар үшін шығын көлемі тіпті еселенеді.