Қостанай қаласының пробация қызметі сотталғандарды қадағалаудың жаңа жүйесін қолданысқа енгізді. Бұған дейін бақылау құралдары тек аяққа тағылса, енді ол кәдімгі қол сағатына ұқсас электронды білезік түрінде берілуде. Жаңа құрылғының артықшылығы – ыңғайлы әрі заманауи болуы. Ол есептегі азаматтардың бостандығын шектемей, олардың жүріс-тұрысын бақылауға мүмкіндік береді.