Батыр құрметіне орнатылған бюсттің ашылу рәсімінде алдымен әскери ұшқыштың өмір баяны айтылды. Марат Оразұлы бала шағынан болашағын әскери қызметпен тығыз байланыстырған. Ол ҚР әскери әуе күштерінің тәжірибелі ұшқыштарының бірі болатын. Авиация саласында 30 жылдан артық қызмет еткен. Өмірден өткенге дейін Қарағандыда 2 жылдан астам уақыт әуе базасын басқарды.

Ұшқыш оқу-жаттығу шаралары кезінде өмірін тәуекелге тігіп, бүтін бір елді мекен  тұрғындарын ажалдан аман алып қалған. Егер ол іс­тен шыққан ұшақты басқа жаққа бұрып әкетпегенде, ауыл үстіне құлауы ықтимал еді. Ол аумақ «Просторное» деген қазақ ортасы болатын. Ел үшін жа­нын қиған ұшқыш ерен ерлігі үшін I дәрежелі «Айбын» ордені­мен марапатталды. Ақой ауылында оның ескерткіш тақтасы тұр. Батырдың құрметіне туған жерінде де бюст орнатылды.

Шын мәнісінде, Марат Едігеевтің бала жасынан бас­тап әскери ұшақты таң­дауы – тек Отанды сүю ғана емес, болмысындағы батыр­лық, қанындағы қайсар­лық, түптеп келгенде, ер түрік баба­­лары­нан дарыған даңқ жолы­ның дара соқпағы шығар, бәлкім?
Оның туып-өскен жері Қоста­най болғанымен, көзсіз ерлік көрсеткен жері Қарағанды! 
Қалай десек те, Марат Қостанайдікі де, Қарағандынікі де емес, Марат – тұтас қазақтікі!