Науырзымда тұрғындардың өмір сүру сапасын арттыру мақсатында атқарылған  жұмыс ауқымды, тындырылған тірлік толайым. Нақты нәтижесі тақтайдай тегіс төселген тас жолдарынан, қайта қалпына келтіріліп немесе жаңадан салынып жатқан әлеуметтік маңызға ие ғимараттарынан және жергілікті жұрттың сұранысынан туындап, жуырда іске қосылатын нысандарынан айқын аңғарылады. Мысал үшін, Буревестник елді мекенінде көпшіліктің көп күткен қуанышы – дәрігерлік амбулаторияның пайдалануға берілгенін көз қарақты көрермен біледі. Аудан орталығынан алшақ ауылда тағы қандай игі жобалар іске асуда?