Іргелес ауданның ілкімді істері

2026 жылдың алғашқы 6 айының қорытындысы бойынша Қостанай ауданында әлеуметтік-экономикалық даму қарқыны тұрақты сақталды. Негізгі алты көрсеткіш бойынша өсім қамтамасыз етілді. Атап айтқанда, құрылыс жұмыстарының көлемі бес есеге артты, негізгі капиталға салынған инвестициялар 29 пайызға көбейді, ал жеке инвестициялар көлемі екі есеге жуық өсті. Өнеркәсіп өндірісі 5,2 пайызға, өңдеу көрсеткіші 8,2 пайызға ұлғайды. Сондай-ақ бөлшек сауда көлемі артып, тұрғын үйді пайдалануға беру көлемі екі есе көбейді.