Еңбек жолын шопандықтан бастаған танымал жазушы, еліміздің еңбек сіңірген қайраткері, тамыры терең тарихымызды түгендеген тұлға, жерлесіміз - Қойшығара Салғарин 85 жасқа толды. Осыған орай облыс орталығында ғалымның мерейтойына арналған кеш өтті. Әртүрлі буын өкілдері жиналған басқосуда қазақ қазақ болғанға дейінгі және кейінгі кезеңді сипаттайтын, тарихымызды танып, толайым тағылым терер, тәрбиелік мәні зор сұхбат өрбіді.