Меңдіқара ауданы бұқаралық спортты дамытуда алдыңғы қатарда. Мұнда спорттың қай түрі болмасын ерекше назарға алынып, болашақ чемпиондарды тәрбиелеу ісі жүйелі түрде жолға қойылған. Соның дәлелі – бокстан КСРО спорт шебері Тілеуберген Дүйсеновты еске алуға арналған турнир. Аталған жарысқа алпысқа жуық жасөспірім қатысып, өз шеберліктерін көрсетті. Бұл турнир – тек спорттық дода ғана емес, сонымен қатар жас ұрпаққа үлгі-өнеге болатын тағылымды іс-шара.