Тобыл қаласындағы Балалар шығармашылық үйі – жас буынның талантын шыңдауға арналған ерекше мекен. Мұнда техникалық, көркем-эстетикалық, сәндік-қолданбалы, әскери-патриоттық және тағы басқа бағыттар бойынша 100-ден астам үйірме жұмыс істейді. Жас өрендер сурет салып, қолөнермен айналысып қана қоймай, фото-видео монтаж, мобилографияны меңгеріп, байқауларға қатысып жүр. Шығармашылық орталық былтыр «Үздік қосымша білім беру ұйымы» атағына ие болды.