Облыста моноқалалардың әлеуеті артып келеді. Жаңа нысандар бой көтеріп, өндіріс ошақтары ашылуда. Инфрақұрылымды дамытуға бағытталған жұмыстар да қарқын алды. Мәселен, биыл Жітіқара қаласында 25 жыл қаңырап бос тұрған ғимаратқа жөндеу жүргізіліп, жаңа емхана есігін айқара ашпақ. Сондай-ақ, дене шынықтыру-спорт кешенінің құрылысы жүріп жатыр. Бұл туралы ауданның 86 жылдығына орай өткізілген салтанатты шарада айтылды. Шырайлана түскен  шаһар тұрғындары мерейлі мерекені жоғары деңгейде атап өтті.