Бүгінде цифрландыру Қазақстан өңірлерін дамытудың негізгі бағыттарының біріне айналып отыр. Қостанай облысы мемлекеттік басқару, өнеркәсіп, ауыл шаруашылығы және қалалық инфрақұрылым салаларына заманауи технологияларды белсенді түрде енгізуде. Мұның барлығының негізінде тұрғындардың өмір сүру сапасын жақсарту және мемлекеттік қызметтердің тиімділігін арттыруды мақсат ететін Smart City және Smart Region тұжырымдамалары жатыр.
Бүгінде Smart City тұжырымдамасы ірі мегаполистер шеңберінен әлдеқашан шығып кетті. Қостанай облысында заманауи бейнебақылау жүйелері, халыққа арналған цифрлық сервистер және қалалық инфрақұрылымды жедел бақылау технологиялары енгізілуде. Бұл, өңірді басқарудың тиімділігін арттырып, тұрғындардың күнделікті өмірін қолайлы әрі қауіпсіз етуге мүмкіндік береді.